#وظيفه_سيليكات_البوتاسيوم __ بص يا صديقي المزارع هتلاقى الايام دي والايام القادمه معظم المهندسين بيقولو لحضرتك رش سيليكات بوتاسيوم او اهتملي برش سلكات البوتاسيوم فى الفتره دي لحد ما الجو يظبط أو لحد ما الحراره تقل شويه #ليه_بقا_ترشها_او_وظيفتها_ايه_بمعني_اصح __ بص يا صديقي المزارع سيليكات البوتاسيوم من اسمها كدا أنها بتحتوي على عنصر السيليكون والبوتاسيوم طاب هتفيد النبات بايه . #وظيفته ✅_ يحمي النبات من الاجهادات البيئيه سواء كانت اجهادات حراريه او صقيع او جفاف ✅_ والاهم بقى انه يعمل على تقليل فقد الماء من النبات وبالتالي يعطي النبات فرصه الحفاظ على نفسه الى اطول فتره ممكنه حتى زوال الموجه الحراريه أو موجه الصقيع ✅_ عنصر السيليكون الموجود في سيليكات البوتاسيوم يعمل على تدعيم الجدار الخلوي وزياده صلابتها حتى تقاوم الامراض سواء كانت امراض فطريه او امراض حشريه ✅_ عنصر السيليكون عنصر ضروري جدا لانه يعمل على زياده محاصيل الحبوب سواء كانت محاصيل الذره او القمح او الشعير او الارز ✅_وبما ان عنصر السيليكون يعمل على تدعيم وصلابه الجدر الخلويه فده هيخلي الثمار تتحمل النقل والتخزين ✅_ سيليكات البوتاسيوم تقوم ايضا بتنشيط المقاومه الداخليه للنبات ضد الظروف المناخيه المعاكسه سواء موجات برد او حراره او الى غير ذلك ✅_ وسلكات البوتاسيوم ايضا تمد النبات بعنصر البوتاسيوم المسؤول عن فتح وغلق الثغور وعن التحجيم ...... _______________________________________________ . #معدل_الرش __ فى حاله محاصيل الخضر مثل الطماطم والبطاطس وغيرهم يبقا بمعدل 5سم / لتر ماء __ فى حاله محاصيل الفاكهه يبقا بمعدل ٨سم/لتر __ فى حاله المحاصيل الحقليه مثل الأرز و الذره والقمح وغيرهم يبقا بمعدل ٨ سم / لتر ( فى حاله لو حضرتك حابب انك تسمده يبقى بمعدل من 2 _ 3 / لتر للفدان ) #طاب_لو_انا_رويت_بيه هيفيد النبات ب ايه يمد النبات بعنصر البوتاسيوم + زيادة درجة انتشار الجذور #بس_الافضل الرش _______________________________________________ #طاب_يا_هندسه_هل_ينفع_اخلطه مع العناصر أو المبيدات __ كلمه صريحه كدا سيليكات البوتاسيوم لا تخلط مع اي مغذيات أو مبيدات #ليه لان سيليكات البوتاسيوم يعتبر مركب قلوي ذات PH مرتفع يصل إلى 11 و12 وبالتالى عند اذابه العناصر او المبيدات لا تذوب ابدا وقد تسبب مشاكل عند رشها ورق . _______________________________________________ وبكده نكون اتكلمنا في بوست سريع عن سيليكات البوتاسيوم ووظائفها *مهندس /مصطفي محمد